Tryllitækið

55 chevrolet

Vélinni slakað í gúrkuna

Nýmáluð og fín með allt nýtt og tilbúin í ferðalög um ókomna tíð. Spurning hvort að Finnbogi sé enn á Hákarlinum, er ekki málið að fara að undirbúa alvöru ferð á fleiri en einum bíl. Nilli gæti jafnvel fengið að fljóta með á afajeppanum sínum :)

5,7 lítrar og 300 hestöfl, ekkert 4 cylendra drasl, ekki dugar að vera með einhvern hrísgrjónagraut frá Japan í Gúrkunni

Plymouth Roadrunner (Plóman)

Vegna gífurlegra vinsælda bílahornsins og fjölda áskoranna, hef ég ákveðið að birta myndir af Plymmanum mínum og öðrum tækjum. Ég eignaðist hann þegar ég var 19 ára og gerði hann upp frá grunni. Síðustu árin notaði ég hann að mestu í kvartmílunni og náði best 12,18sek á honum. Ætli hann hafi ekki verið skila mér ca. 500-550 hestöflum.

Þetta er Plymouth Roadrunner árg. 1969. Með 383 ci big-block Chrysler.  

Þetta er Valiantinn hans Fribba. Hann náði 10.34sek á þessum bíl, sem eru um 700 hestöfl.  

Hérna sést grindin hans Jón Geirs vinar míns. Í þessari ferð fóru einmitt bremsurnar hjá honum og hann rann út í hraun á fullum hraða :) Hann slasaðist sem betur fer ekkert en grindin fór ansi illa. 

hér er hann 

Ég lét fylgja með mynd af gamla kærastanum hennar Ástu, glæsilegur náungi, ekki satt? Það er greinilegt að hún hefur tekið niður fyrir sig með mig, en með tímanum næ ég kannski að komast með tærnar sem hann hefur hælana 

Bílahornið fer aftur í gang

Nú geta allir hætt að örvænta því bílahornið er komið á fulla ferð. Eins og að sjá má á myndunum er mótorinn í Gúrkunni komin úr og komin á vélastand. Stefnan er að endursmíða vélina á næstu mánuðum ásamt því að klára skólann á réttum tíma. Þessi vélavinna verður metin sem 10 einingar, ég talaði við Guðrúnu Gísla um þetta og hún tók bara vel í þetta en sagði að hún þyrfti að vera að lámarki 300 hestöfl þannig að hægt sé að spæna upp Krísuvíkurheiðina. Gúrkan verður ekki klár fyrir sumarbústaðarferðina, en vonandi fljótlega eftir það, fer þetta allt eftir blessuðu náminu.

Ásamt því að menn geti fylgst með framgangi mála með Gúrkuna þá ætla ég að setja myndir af Roadrunnernum (plymouth) sem ég átti og var mitt stolt, en ég varð að selja hann þegar ég kynntist Ástu (líka Willisinn minn). Gaman að þessum kærustum!!

Búið að strippa Gúrkuna að framan og verið að kanna aðstæður áður en vélinni er kippt úr.  

Strákurinn 

Vélin tekin upp með nýja vélargálganum 

Nýjungar!!!

Sem samgöngumálaráðherra finnst mér ég vera knúinn til þess að stofna bílahorn sem tengt er við heimasíðu Jakanna. Ekki þurfti að snúa upp á höndina á mér til þess að fá þessu framgent þar sem að ég er bíladellukarl. Vonandi verður síðan til gagns og gamans fyrir Jaka og aðra áhugamenn um ókomna framtíð.
Því miður get ég ekki byrjað neitt á þessu fyrr en að loknum prófum, en á meðan getið þið kíkt nokkra linka sem tengjast ferðalögum og bílum:

• Kvartmíluklúbburinn
• Ferðaklúbburinn 4x4
• Vegagerðin

Hver veit nema að seinna meir verði sjálfstæð jeppadeild innan Jaka?